Pakistan Affairs

6/recent/ticker-posts

میزائل سسٹم گودام میں رکھنے کیلئے نہیں لیں گے : ترک صدر اردوان

ترک صدر رجب طیب اردوان نے اعلان کیا ہے کہ ہم روس سے ایس 400 میزائل سسٹم گودام میں رکھنے کے لیے نہیں لے رہے ضرورت پڑی تو طیارہ شکن میزائل سسٹم کا استعمال کریں گے ۔ ترک صدر رجب طیب اردوان کا کہنا ہے کہ ہم دفاعی نظام کے لیے امریکا پر انحصار نہیں کریں گے ہم کئی سالوں سے امریکا سے دفاعی نظام کا مطالبہ کر رہے ہیں لیکن ان کا جواب ہے کہ کانگریس اجازت نہیں دے رہی اس جواب سے ہمیں سخت تکلیف ہوئی ہے ۔ انہوں کے کہا کہ روس نے ہماری پیش کش کا بہت خوبصورت جواب دیا اور اس نظام کے لیے آسان قرضوں کی پیش کش بھی کی۔

ایک ٹی وی پروگرام میں بات چیت کرتے ہوئے اردوان نے کہا کہ ہم ضرورت پڑنے پر اس نظام کا استعمال کریں گے۔ واضح رہے کہ روس اور ترکی کے درمیان میزائل شکن نظام ایس 400 کی فروخت کے لیے دسمبر میں مذاکرات ہوئے تھے، ترکی نیٹو کا ممبر بھی ہے اس معاہدے سے نیٹو ممالک نے اپنی تشویش کا اظہار کیا ہے ۔ ترکی نے میزائل سسٹم کے لیے پہلے مغربی ملکوں اور امریکا سے رابطہ کیا تھا لیکن ان کے انکار پر روس سے رابطہ کیا گیا اور یہ معاہدہ عمل میں آیا ۔
 

Post a Comment

0 Comments