چین کا برہم پترا کا پانی تبت سے سنکیانگ لے جانے کا منصوبہ

چین دریائے برہم پترا کا پانی تبت سے سنکیانگ کی جانب لے جانے کیلئے ایک ہزار کلومیٹر طویل سرنگ بنانے کاارادہ رکھتا ہے۔ بھارتی میڈیا کی رپورٹس کے مطابق چین کی اعلیٰ قیادت برہم پترا کا پانی سنکیانگ تک پہنچانے کیلئے طویل سرنگ کھودنے کا ارادہ رکھتی ہے، منصوبے کی تکمیل کے بعد یہ بڑی مقدار میں پانی کا بہاؤ موڑنے والی سب سے بڑی سرنگ بن جائے گی۔ منصوبے کو اگلے سال مارچ میں منظوری ملنے کا امکان ہے، برہم پترا کا پانی تبت کے بعد بھارت کے شمال مشرق میں جاتا ہے۔