Tuesday, May 24, 2016

KHAWAJA UMER FAROOQ

Dadaab :The refugees the world forgot

Dadaab is a semi-arid town in Garissa County, Kenya. It is the site of a large UNHCR base hosting 329,811 refugees in five camps as of October 2015, making it the largest refugee camp complex in the world. Dadaab is located approximately 100 kilometres (60 mi) from the Kenya–Somalia border. The nearest major town is Garissa, which is the headquarters of the North Eastern Province.
Background and creation 
The Dadaab camps Dagahaley, Hagadera and Ifo were constructed in 1992. The more recent Ifo II and Kambioos camps were opened in 2011 after 130,000 new refugees, who fled Somalia due to severe drought, arrived. The Ifo II camp extension was originally constructed in 2007 by the Norwegian Refugee Council, in response to major flooding that destroyed over 2,000 homes in the Ifo refugee camp. However, legal problems with the Kenyan Government prevented Ifo II from fully opening for resettlement until 2011. As of August 2015, Hagadera was the largest of the camps, containing just over 100,000 individuals and 25,000 households. Kambioos, on the other hand, is the smallest camp with fewer than 20,000 refugees. Ifo camp was first settled by refugees from the civil war in Somalia, and later efforts were made by UNHCR to improve the camp. As the population of the Dadaab camps expanded, UNHCR contacted German architect Werner Shellenberg who drew the original design for Dagahaley Camp and Swedish architect Per Iwansson who designed and initiated the creation of Hagadera camp.
Population growth and decline 
In July 2011, it was reported that more than 1,000 people per day were arriving in dire need of assistance, largely due to the drought in East Africa. The influx reportedly placed great strain on the base's resources, as the capacity of the camps was about 90,000, whereas the camps hosted 439,000 refugees in of July 2011 according to the UNHCR. The number was predicted to increase to 500,000 by the end of 2011 according to estimates from Médecins Sans Frontières. Those population figures ranked Dadaab as the largest refugee camp in the world, which it still is today despite a recent drop in numbers. According to the Lutheran World Federation, military operations in the conflict zones of southern Somalia and a scaling up of relief operations had by early December 2011 greatly reduced the movement of migrants into Dadaab.
 Arriving at Dadaab 
When refugees arrive at the camp, they are registered and fingerprinted by the Kenyan government.  The camps are managed by the UNHCR, but other organizations are directly in charge of specific aspects of the refugees' lives. CARE oversees social services and the World Food Programme (WFP) helps alleviate the food scarcity issues present at the camps. Until 2003, Médecins Sans Frontières (MSF) provided refugees with access to health care, but now German Technical Cooperation (GTZ) controls this aspect of refugee life in Dadaab. Refugees arriving at Dadaab receive assistance from each of these organizations, but due to overcrowding, aid is often not immediate. Other relief organizations, such as the Red Cross, also provide assistance to refugees in the Dadaab camps. Specifically, the Red Cross gives refugees in the Ifo II camp access to health services, sanitation, and clean water. In an attempt to reduce the spread of disease, they recently installed 8,000 latrines in the camp, as well as hand washing stations in schools.
 Structure of the camps
The Dadaab refugee camp complex is so vast that it has been compared to a city, with urban features such as high population density, economic activity, and concentration of infrastructure. Like a typical urban area, Dadaab contains public service buildings such as schools and hospitals. The Ifo II camp, for example, includes religious spaces, a disability center, police stations, graveyards, a bus station, and more. In addition, it is designed in a grid-like pattern, with the market on one side and a green belt at the center of the many lines of tents. Despite these many amenities, however, the camps are crowded and have few signposts, making them confusing and difficult to navigate for new arrivals.
 Living conditions 
With camps filled to capacity, NGOs have worked to improve camp conditions. However, as most urban planners frequently lack the tools to contend with such complex issues, there have been few innovations to improve Dadaab. Opportunities remain such as upgrading and expansion processes for communications infrastructure, environmental management and design. Some of the factors affecting quality of life for refugees are diet and malnutrition, shelter, health care, education, environmental factors, safety, and their economic and legal status.
 Diet and malnutrition 
Refugees receive food rations containing cereal, legumes, oil, and sugar from the World Food Programme (WFP). Markets at each of the camps have fresh food for sale, but due to limited income opportunities, most refugees are unable to afford them. Some have used innovations such as multi-storey gardens to help overcome food scarcity, which require only basic supplies to construct and less water to maintain than normal gardens. 
One reason refugees arrive at the camps is displacement caused by famine. By the end of 2011, more than 25% of refugees living in the Dadaab camps had arrived as a result of the famine in the Horn of Africa. Individuals arriving under these conditions are already very malnourished, and once at the camps they still experience food scarcity. Although malnutrition contributes to high death rates among children, it has been observed that the longer an individual has already lived in Dadaab, the more their chance of dying from malnutrition decreases. Due to overcrowding and lack of resources, refugees don't receive their first food rations until 12 days after arrival, on average. Food rations are generally distributed to children under the age of five first, because they are at the greatest risk of malnutrition and starvation. 







Read More
KHAWAJA UMER FAROOQ

کلرکہار : اسلام آباد کے قریب خوب صورت سیاحتی مقام

ضلع چکوال کا قصبہ تحصیل اور ایک خوبصورت تفریحی مقام ۔ چکوال سے سرگودھا جانے والی سڑک پر ۲۶ کلو میٹر کے فاصلے پر پہاڑوں کے سنگم میں لاہور اسلام آباد موٹروے کے اُوپر واقع ہے۔ کلّر کہار ایک ایسے مقام پر واقع ہے، جس کی عسکری اہمیت زمانہ قدیم سے مُسلّمہ رہی ہے۔ شمال مغربی سرحدی صوبہ کے درّوں سے جتنی قومیں اور حملہ آور آئے ان کا گزر مارگلہ سے براستہ ڈھوک پٹھان سلسلۂ کوہستان نمک کے زیرِ سایہ ہی ہوتا۔ ان کا اولین ہدف کلر کہار، بھیرہ کا خوش حال اور قدیم شہر اور نندنہ کا مضبوط قلعہ ہوتا۔ تاریخ کی گواہی کے مطابق یہ حملہ آور سب سے پہلے کلرکہار ہی پہنچے۔
اِس کی قدامت کا اندازہ اس روایت سے بھی لگایا جا سکتا ہے جس کے مطابق راجہ داہر کے ایک بیٹے جے سنگھ نے محمد بن قاسم سے شکست کھا نے کے بعد کشمیر کے راجہ کے پاس پناہ حاصل کر لی تھی۔ راجہ نے اس کی گزر اوقات کے لیے اپنی ریاست کی جنوبی سرحد پر کچھ جاگیر عطا کر دی جس کا صدر مقام کلّر کہار تھا۔ جے سنگھ نے اس جاگیر کے انتظام کے لئے ایک باغی عرب حمیم بن سامہ کو اپنا مختار کل مقرر کیا چنانچہ حمیم نے یہاں وسیع پیمانے پر شجرکاری کی اور بعض مساجد تعمیر کیں ۔ بعض لوگوں کا خیال ہے کہ حمیم کا کلر کہار موجودہ کلرکہار سے کچھ دُور اس مقام پر آباد تھا جو تباہی کے بعد اب بھال کے آثار کی صورت میں باقی رہ گیا ہے۔
جنرل کننگھم کے بقول کلر کہار کا پُرانا نام’’شاکلہا‘‘ تھا۔ اس جگہ کا نام کلوکہّر بھی بتایا گیا ہے، لیکن ۱۵۱۹ء میں برصغیر میں مغل سلطنت کا بانی ظہیر الدین بابر بھیرہ فتح کر نے کے بعد کلر کہار آیا اور یہاں قیام کیا تو اس نے اپنی خودنوشت سوانح عمری ’’تزک بابری‘‘ میں اس کا نام ’’کلدہ کنارـ‘‘ لکھا۔ بابر نے یہاں ایک باغ تیار کرایا جس کا نام باغ صُفار کھا۔ یہ باغ صاف اور ہوادار جگہ پر بنا۔ کلرکہار سطح سمندرسے چار ہزار فٹ کی بلندی پر ہے۔ روایت ہے کہ بابر کے کلرکہار میں قیام کے دوران فوج نے ایک چٹان تراش کر اس کے لیے تخت بنایا تھا جواب بھی تخت بابری کے نام سے موجود ہے۔ یہیں پہاڑ کی چوٹی پر ایک مزارہے، جس کا سبز گنبد ہر آتے جاتے کو اپنی جانب متوجہ کرتاہے۔ یہاں حضرت غوث ملوک کے دوپوتے حضرت محمد اسحق اور حضرت محمد یعقوب دفن ہیں، جو مقامی مسلمانوں کی مدد کے لیے اس علاقے میں آئے تھے اور شہادت حاصل کی۔
یہاں ایک خوبصورت جھیل بھی ہے ،جو سیاحوں کی تفریح کا بہترین مقام ہے ۔اس کے اردگرد ہوٹل اور ریسٹ ہائوسز موجود ہیں۔ کلرکہار میں مختلف اقسام کے پھل اور پھول کثرت سے ہوتے ہیں۔ ان میں لوکاٹ اور گلاب خاص طور پر قابل ذکرہیں۔ یہاں کا عرق گلاب، چوعرقہ اور گلقند مشہور ہیں۔ یہاں عصر کے بعد مور آزادانہ گھومتے نظر آتے ہیں، اور اذان مغرب سے پہلے جنگل میں روپوش ہو جاتے ہیں۔ کلرکہار سے قریباً ۹ میل کے فاصلے پر سلسلہ کوہستان نمک میں قلعہ ملوٹ کے آثار ہیں، جس کی بلندی سطح سمندر سے تقریباً تین ہزار فٹ ہے۔ جنرل کننگھم کے اندازے کے مطابق قصبہ ملوٹ اور قلعہ ملوٹ اپنے زمانہ عروج میں اڑھائی میل کے گھیرے میں لیے ہوئے تھے۔ ایک روایت کے مطابق جنجوعوں راجپوتوں کے ایک مورث اعلیٰ کا نام مل دیویاملوتھا اسی کی نسبت سے اس کا نام ملوٹ پڑا۔ 
جنرل ایبٹ اس کا نام شاہ گڑھ یا شاہی گڑھ بتاتا ہے لیکن جنجوعہ روایات کے مطابق اس کا نام راج گڑھ تھا۔ اس کی تعمیر ۹۸۰ء میں ہوئی۔ یہاں دوقدیم مندر بھی ہیں جو قدیم کشمیری طرز تعمیر کا نمونہ ہیں۔ ان کا تعلق کوہستان نمک کے ہندو شاہیہ سے ہے۔ بابر بادشاہ نے دولت خاں لودھی سے یہیں پر ہتھیار ڈلوائے۔ مہاراجہ رنجیت سنگھ کے باپ مہان سنگھ نے بھی یہاں ایک چھوٹا سا قلعہ تعمیر کروایا تھا۔ اسے پکی سڑک کے ذریعے کلر کہار چوآسیدن شاہ سڑک کے ساتھ براستہ چھوٹی سڑک ملا دیا گیا ہے۔ ملوٹ سے مشرق کی طرف تقریباً ۳ میل کے فاصلے پر سب گنگا کے مقام پر بودھوں کا ایک مندرہے۔اس جگہ پر میجر ایبٹ کو سکندراعظم کا تراشا ہوا ایک سرملاتھا۔ اس کے ساتھ ایک چھوٹا ساہندو مندر بھی ہے۔ آجکل اس علاقے کو ملکانہ کہتے ہیں۔

(اسد سلیم شیخ کی تصنیف ’’نگر نگر پنجاب:شہروں اور قصبات کا جغرافیائی، تاریخی، ثقافتی اور ادبی انسائیکلوپیڈیا‘‘ سے مقتبس)  

Read More
KHAWAJA UMER FAROOQ

چاہ بہار میں بہار

پیشِ خدمت ہے پاک چائنا اکنامک کوریڈور کے بعد انڈو ایران افغان اکنامک
کوریڈور۔ جس طرح گوادر کی بندرگاہ اور ٹیکس فری انڈسٹریل زون کا نظام و ترقی چالیس برس کے لیے چین کے حوالے کردی گئی ہے۔ اسی طرح گوادر سے لگ بھگ سو کلومیٹر پرے چاہ بہار کی بندرگاہ کو ترقی دینے کا مرحلہِ اول و دوم کا انتظام بھارت کرے گا۔ جس طرح چینی صدر نے گذشتہ برس اسلام آباد میں پاک چائنا اکنامک کوریڈور سے متعلق حتمی سمجھوتوں پر دستخط کیے اسی طرح پندرہ برس بعد کسی بھارتی وزیرِ اعظم نے تہران میں انڈو ایران افغان کوریڈور کی بنیادی دستاویزات پر ایرانی و افغانی صدور کے ساتھ بیٹھ کے گذشتہ روز دستخط کیے۔

خلیجِ اومان کی جانب کھلنے والی چاہ بہار کھلے سمندر کے دہانے پر واحد ایرانی بندرگاہ ہے۔ باقی بندرگاہیں خلیج ِ فارس کے اندر ہیں جہاں مال بردار جہازوں کو آنے جانے کے لیے بائیس کلو میٹر چوڑی آبنائے ہرمزسے گذرنا پڑتا ہے۔ خلیج کی سب سے مصروف ایرانی پورٹ بندر عباس ہے۔ وہاں سے ایران کی پچاسی فیصد درآمد و برآمد ہوتی ہے۔ مگر چاہ بہار کو یہ قدرتی سہولت حاصل ہے کہ اگر خلیج کی ناکہ بندی ہوجائے یا کسی جنگ یا حادثے کے سبب آبنائے ہرمز کی ٹریفک معطل ہوجائے تب بھی چاہ بہار کی شکل میں ایران کے پاس بیرونی دنیا سے سمندری رابطے کا دروازہ کھلا رہے گا۔ بندر عباس کے برعکس چاہ بہار ڈیپ سی پورٹ میں ایک لاکھ ٹن وزن سے زائد کارگو شپ بھی آ جا سکیں گے۔
بھارت کی اولین ترجیح تو یہ تھی کہ افغانستان اور وسطی ایشیائی ریاستوں سے تجارت کے لیے اسے واہگہ طورخم کوریڈور کی سہولت مل جائے مگر ایسا ہوتا مستقبلِ قریب میں نظر نہیں آ رہا۔ چنانچہ یہ مقصد چاہ بہار کے راستے حاصل کیا جائے گا۔
افغانستان کی بیشتر درآمد و برآمد اب تک کراچی کی بندرگاہ کے ذریعے ہوتی ہے۔مگر افغانستان اس ٹرانزٹ روٹ کے ذریعے بھارت سے تجارت نہیں کر سکتا۔چنانچہ چاہ بہار کی بندرگاہ سے بذریعہ ریل اور سڑک منسلک ہونے کے بعد افغانستان کی تجارت صرف پاکستان کے رحم و کرم پر نہیں رہے گی۔ چاہ بہار پورٹ کے تعمیراتی پہلے مرحلے میں دو سو ملین ڈالر کی بھارتی سرمایہ کاری سے ایک کنٹینر ٹرمنل اور ایک کثیر المقاصد کارگو ٹرمنل تعمیر ہوگا۔ دوسرے مرحلے میں بھارت چاہ بہار فری ٹریڈ زون میں بیس ارب ڈالر لگانا چاہتا ہے۔ یعنی بھارتی کمپنی نالکو پانچ لاکھ ٹن سالانہ المونیم پیداوار کا پلانٹ لگائے گی۔ ایک ایل این جی اور ایک گیس کریک پلانٹ تعمیر کیا جائے گا ۔ پٹرو کیمیکلز اور فرٹیلائزر کے کارخانے بھی لگیں گے۔ ایرانی وزیرِ خارجہ جواد ظریف نے دہلی کے گذشتہ دورے میں بھارت کو چاہ بہار پورٹ مینجمنٹ کی بھی پیش کش کی ہے۔ایران نے ساحل سے پرے فرزاد گیس فیلڈ کی ترقی کا ٹھیکہ بھی بھارتی کمپنیوں کو دیا ہے۔

چاہ بہار سے افغان شہر زرنج تک براستہ ایرانی شہر دل آرام آٹھ سو اڑتیس کلومیٹر کی ہائی وے کی اپ گریڈنگ بھی جاری ہے۔ زرنج دل آرام ہائی وے کا دو سو اٹھارہ کلومیٹر ٹکڑا بھارت کی بارڈر روڈ آرگنائزیشن نے چھ ارب روپے کی لاگت سے مکمل کرلیا ہے۔اس منصوبے کی تکمیل میں ایک سو تیس ورکروں کی ہلاکتیں بھی ہوئیں۔ بیشتر طالبان حملوں میں مارے گئے۔ بھارت چاہ بہار سے براستہ زاہدان وسطی افغانستان کے صوبے بامیان میں حاجی گک کے مقام تک نو سو کلومیٹر طویل ریلوے لائن بھی تعمیر کرے گا۔ اس منصوبے کی کلیدی پارٹنر بھارتی کمپنی اشوک لے لینڈ ہے۔ حاجی کگ خام لوہے کے چند بڑے عالمی ذخائر میں سے ہے اور اسٹیل اتھارٹی آف انڈیا کے تحت ایک صنعتی کنسورشیم حاجی گک میں گیارہ ارب ڈالر کی سرمایہ کاری میں سنجیدہ ہے۔ان منصوبوں کی تکمیل سے افغان بھارت تجارتی حجم جو اس وقت یکطرفہ اور سات سو ملین ڈالر سالانہ کے لگ بھگ ہے۔ اگلے پانچ برس میں بڑھ کر تین سے پانچ ارب ڈالر سالانہ تک پہنچ سکتا ہے۔ بھارت کو ریل اور روڈ نیٹ ورک کے ذریعے یورپ براستہ وسطی ایشیا اس نئی ’’ شاہراہ ریشم ’’ کے ذریعے رسائی کے سبب فاصلے اور لاگت میں کمی کی شکل میں کم ازکم ایک تہائی بچت ہوگی۔

فروری میں بھارتی وزیرِ اعظم نریندر مودی نے کابل میں افغان پارلیمنٹ کی عمارت کا تحفہ پیش کیا۔ جب کہ ہرات میں تین سو ملین ڈالر کی بھارتی سرمایہ کاری سے مکمل ہونے والے سلمہ ڈیم ہائیڈرو الیکٹرک منصوبے کا اگلے ماہ افتتاح ہونے والا ہے۔ پاکستان چائنا کوریڈور اگرچہ بہت بڑا اور مثبت منصوبہ ہے لیکن پاکستان کا دارومدار صرف چین پر ہے۔ اس کے برعکس ایران اور افغانستان علاقے میں بھارت چین اقتصادی و اسٹرٹیجک رقابت کو اپنے حق میں چابکدستی سے استعمال کرنے کے لیے کوشاں ہیں۔

مثلاً ایرانی تیل کا سب سے بڑا خریدار چین اور پھر بھارت ہے۔ ایران اگر چاہ بہار منصوبے کے ذریعے بھارتی سرمایہ کاری سے فائدہ اٹھانا چاہ رہا ہے تو اس نے چین سے اسٹرٹیجک اور اقتصادی تعلقات کے بڑھاوے کو بھی اتنی ہی اہمیت دی ہے۔ بھارتی مال اگر ایران کے راستے وسطی ایشیا اور یورپ تک جائے گا تو چینی مال وسطی ایشیا ایران ریلوے نیٹ ورک کے ذریعے مشرقِ وسطی اور افریقہ جائے گا۔ اس کا عملی مظاہرہ گذشتہ مہینوں میں وسطی چین سے براستہ سینٹرل ایشیا پہلی کارگو ٹرین تہران تک پہنچانا ہے۔

چین نے چاہ بہار پورٹ پر آئیل ٹرمنل کی تعمیر  کے لیے پچھتر ملین ڈالر قرضے کی پیش کش پہلے ہی سے کر رکھی ہے۔چینی کمپنیاں ایران میں یاد واران ، جنوبی پارس ، مسجدِ سلیمان اور آزادگان کے آئیل اینڈ گیس فیلڈز میں چودہ ارب ڈالر کی سرمایہ کاری کر رہی ہیں۔ جنوری میں چینی صدر کے دورہِ تہران کے موقع پر دونوں ممالک نے عہد کیا کہ اگلے دس برس میں باہمی تجارت کا حجم موجودہ بتیس ارب ڈالر سے بڑھا کر نو سو ارب ڈالر تک پہنچا دیا جائے گا۔ایران سے تجارت کے معاملے میں بھارت اب بھی چین سے پیچھے ہے۔یعنی بھارت ایران تجارت کا حجم اس وقت پندرہ ارب ڈالر کے لگ بھگ ہے۔ جہاں تک افغانستان کا معاملہ ہے تو امن و امان کے دگرگوں حالات اور غیر یقینی مستقبل کے باوجود کابل حکومت اپنے اقتصادی پتے چابکدستی سے کھیل رہی ہے۔ چاہ بہار کنکشن کے زریعے اس کا پاکستان پر تجارتی دار و مدار بہت حد تک کم ہوجائے گا۔ بھارت اگرچہ افغان معدنیات میں بھاری سرمایہ کاری کر رہا ہے لیکن چینی کمپنیاں بھی پیچھے نہیں ہیں۔

تانبے سے مالا مال عینک کے علاقے میں چین چار ارب ڈالر لگا رہا ہے جو اب تک افغانستان میں ہونے والی سب سے بڑی غیرملکی سرمایہ کاری ہے۔ چائنا میٹالرجیکل گروپ نے کوئلے سے بجلی پیدا کرنے والے چار سو میگاواٹ پلانٹ اور ایک ملین ٹن اسٹیل کے سالانہ پیداواری پلانٹ کی تعمیر کا بیڑہ اٹھایاہے۔ چائنا نیشنل پٹرولیم کارپوریشن کو ساری پل اور فاریاب کے علاقوں میں تیل اور گیس کے زخائر ترقی دینے کا ٹھیکہ بھی مل چکا ہے۔ اس تیل کی صفائی کے لیے افغانستان میں پہلی آئیل ریفائنری بھی تعمیر ہو گی۔ مجموعی طور پر چین نے افغانستان میں اب تک دس ارب ڈالر کی سرمایہ کاری کی ہے۔ جیسے جیسے جیوا سٹرٹیجک حالات مستحکم ہوتے جائیں گے سرمایہ کاری کا حجم اور بھارت چین علاقائی و اقتصادی مسابقت میں بھی اضافہ ہوتا جائے گا۔

اس نئی گریٹ گیم میں پاکستان اپنے لیے کیا سوچ رہا ہے ؟ کیا واقعی سوچ بھی رہا ہے یا لگ رہا ہے کہ سوچ رہا ہے؟

وسعت اللہ خان

Read More
KHAWAJA UMER FAROOQ

شہید ختم نبوت ۔ مولانا محمد یوسف لدھیانویؒ

شہید ختم نبوت، حضرت مولانا محمد یوسف لدھیانویؒ ان ’’علماء حق‘‘ اور
الوالعزم انسانوں میں سے ہیں کہ جن کی روشن زندگی دین اسلام کی ترویج و اشاعت اور مختلف اسلام دشمن فتنوں کی سرکوبی میں گزرتی ہے اور آخر کار وہ اپنے عظیم مشن کی تکمیل کی خاطر مردانہ وار جدوجہد کرتے ہوئے شہادت کا تاج پہن کر’’ حیاتِ جاوداں‘‘ پالیتے ہیں۔ حضرت مولانا محمد یوسف لدھیانویؒ عالمی مجلسِ تحفظ ختم نبوت کے مرکزی نائب امیر، جامعہ علوم اسلامیہ بنوری ٹاؤن کراچی کے استاذ الحدیث، عظیم محقق و مصنف ، بلندپایہ محدث، اعلیٰ درجہ کے انشاء پرداز ادیب، ہفت روزہ ختم نبوت اور ماہنامہ بینات سمیت کئی علمی و دینی رسائل کے مدیر اورسینکڑوں دینی مدارس کے سرپرست و بانی تھے،

آپؒ 1932ء میں عیسیٰ پور لدھیانہ میں پیدا ہوئے۔ آپ کے والد چوہدری اللہ بخشؒ اپنے گاؤں کے نمبر دار لیکن ولی کامل حضرت مولانا شاہ عبدالقادررائپوریؒ کے مرید ہونے کی وجہ سے دیندار اور متقی و پرہیز گار انسان تھے، اسی وجہ سے آپؒ کے والد ؒ نے آپ کو حافظ قرآن اور عالم دین بنانے کا فیصلہ کیا۔ آپؒ نے اپنی خداداد ذہانت اور شوق کی وجہ سے بچپن میں ہی قرآن مجید کی تعلیم قاری ولی محمدصاحبؒ سے حاصل کی...... اور پھر دینی تعلیم کے حصول کیلئے مدرسہ جامعہ محمودیہ لدھیانہ میں داخل ہو جاتے ہیں..... دورانِ تعلیم ہی قیام پاکستان کے اعلان کے بعد آپؒ لدھیانہ سے ہجرت کر کے پاکستان تشریف لاتے ہیں اور ملتان کے قریب ایک گاؤں میں سکونت اختیار کرتے ہوئے مدرسہ جامعہ رحمانیہ میں مولانا غلام محمد لدھیانویؒ سے دینی تعلیم حاصل کرنا شروع کر دیتے ہیں......
اور پھر آپؒ جامعہ قاسم العلوم فقیر والی میں ایک سال کتابیں پڑھنے کے بعد جامعہ خیر المدارس ملتان میں مزید اعلیٰ تعلیم کے حصول کیلئے داخل ہو جاتے ہیں جہاں حضرت مولانا خیر محمد جالندھریؒ کی خصوصی توجہ اور زیر شفقت تعلیم مکمل کرتے ہوئے امتیازی حیثیت کے ساتھ ’’دورہ حدیث‘‘ کر کے عالم دین کے اعلیٰ منصب پر فائز ہوجاتے ہیں۔ اس کے ساتھ ہی آپؒ حضرت مولانا خیر محمد جالندھریؒ کے ’’دستِ حق‘‘ پر بیعت کرتے ہوئے بڑی تیزی کے ساتھ تزکیہ و سلوک کی منازل طے کرتے چلے گئے ...... اور پھر اپنے استاذ و مرشد حضرت مولانا خیر محمد جالندھریؒ کے حکم پر آپؒ نے فیصل آباد کے ایک دینی مدرسہ میں دینی کتب پڑھانے کا آغاز کر دیا..... اس کے بعد جامعہ رشیدیہ ساہیوال میں بھی دینی کتب پڑھانے کا سلسلہ جاری رکھتے ہوئے احادیث نبوی ﷺ کی بڑی کتب پڑھانے میں ملک گیر شہرت حاصل کرنے کے ساتھ ساتھ وطن عزیز میں اٹھنے والے اسلام دشمن فتنوں کے خلاف آپؒ نے مختلف دینی رسائل میں مضامین تحریر کرنے کا سلسلہ بھی شروع کر دیا جس کی وجہ سے آپؒ بڑی تیزی کے ساتھ علمی و ادبی حلقوں میں مقبول ہوتے چلے گئے۔

تحریک تحفظ ختم نبوت کے قائد اور شیخ الحدیث حضرت مولانا محمد یوسف بنوریؒ نے آپؒ کی صلاحیت اور طرزِ تحریر سے متأثر ہو کر آپ ؒ کو جامعہ علوم اسلامیہ بنوری ٹاؤن کراچی سے شائع ہونے والے ملک کے ممتاز دینی جریدے ماہنامہ بینات کی ادارت و ذمہ داری سونپ دی اور اس کے ساتھ ہی مولانا محمد یوسف بنوریؒ کی خواہش پر آپؒ جامعہ رشیدیہ ساہیوال سے مستقل طور پر کراچی منتقل ہوگئے اور جامعہ علوم اسلامیہ بنوری ٹاؤن میں درس و تدریس کا سلسلہ بھی شروع کر دیا..... جب حضرت مولانا محمد یوسف بنوریؒ عالمی مجلسِ تحفظِ ختم نبوت کے مرکزی امیر منتخب ہوئے تو انہوں نے آپؒ کی علمی و قلمی صلاحیتوں اور اخلاص و للّٰہیت کو دیکھتے ہوئے آپ ؒ کو عالمی مجلس تحفظ ختم نبوت کے شعبہ نشر و اشاعت کا سربراہ بنا دیا....
اس دوران آپؒ نے مختلف دینی رسائل ترتیب دیئے اور فتنہ قادیانیت کو بے نقاب کیا ان رسائل میں،قادیانیت علامہ اقبالؒ کی نظر میں، قادیانیوں کو دعوت اسلام، ربوہ سے تل ابیب تک ، مرزا کا اقرار، مراقی نبی، مرزائی اور تعمیر مسجد ،سر ظفراللہ خان کو دعوت اسلام، قادیانی جنازہ، قادیانی مردہ، قادیانی کلمہ، قادیانی ذبیحہ، مرزا قادیانی اپنی تحریروں کے آئینہ میں ، غدار پاکستان ڈاکٹر عبد السلام قادیانی ،آپ کے مسائل اور ان کا حل (9۔جلدیں) رجم کی شرعی حیثیت ،اصلاحی مواعظ، حسنِ یوسف (3۔ جلدیں) ، رسائل یوسفی ، آنحضرت صلی اللہ علیہ وسلم کے فرمودات اور تحفہ قادیانیت کے عنوان پر تین جلدوں میں کتاب آپ نے تحریر فرمائی جو اردو انگریزی ، پشتو سمیت کئی زبانوں میں شائع ہوچکی ہے۔

حضرت مولانا محمد یوسف بنوریؒ کی وفات کے بعد قطب الاقطاب حضرت مولاناخواجہ خان محمد صاحب ؒ عالمی مجلس تحفظ ختم نبوت کے مرکزی امیر منتخب ہوئے جبکہ آپؒ بدستور ؒ مرکزی شعبہ نشر و اشاعت کے سربراہ کی حیثیت سے ہی کام کرتے رہے.... اور پھر مرکزی نائب امیر حضرت مولانا مفتی احمد الرحمن ؒ کی وفات کے بعد آپؒ کو متفقہ طور پر عالمی مجلس تحفظِ ختم نبوت کا نائب امیر مرکزیہ منتخب کر لیا گیا اور جام شہادت نوش کرنے تک آپؒ اسی منصب پر کام کرتے رہے

مولانا محمد یوسف لدھیانویؒ نے عالمی مجلس تحفظ ختم نبوت کے مرکزی عالمی دفتر ملتان کے علاوہ کراچی ، لندن کے دفاتر اور چناب نگر کی جامع مسجد و مدرسہ کی تعمیر و ترقی میں بھی اہم کردار ادا کیا، آپؒ نے برطانیہ ، افریقا، انڈونیشیاء اور عرب ممالک سمیت دیگر کئی ممالک کے تبلیغی دورے کر کے لاکھوں لوگوں کو’’ قادیانی فتنہ‘‘ سے آگاہ کرتے ہوئے ان کے ایمان کی حفاظت کا ذریعہ بنے۔۔۔۔جنوبی افریقہ میں بھی قادیانیوں کو سرکاری طور پرغیر مسلم قرار دلوانے میں آپ نے اہم کردار ادا کیا ۔ چناب نگر میں ہر سال عالمی مجلس تحفظ ختم نبوت کے ذیر اہتمام آپؒ نے ’’رد قادیانیت ‘‘ پر سینکڑوں علماء کو کورس کراتے ہوئے ’’تحفظ ناموس رسالتﷺ‘‘ کے مبلغ بنا دیا۔ ۔ مولانا یوسف لدھیانوی شہیدؒ علمائے حق کی مختلف دینی و مذہبی جماعتوں کی سرپرستی وحمایت کے ساتھ ساتھ ان کے لئے ہر وقت دعا گو رہتے تھے۔

آپ ؒ کی تمام زندگی دعوت و تبلیغ ، تحفظِ ناموسِ رسالت ﷺو ناموسِ صحابہؓ، درس و تدریس، تحریر و تصنیف اور مختلف فتنوں کے خلاف ’’قلمی جہاد‘‘ میں گزری، آپ کی پاکیزہ زندگی جہد مسلسل سے عبارت ہے عقیدہ ختم نبوت کے تحفظ کے لئے آپ کی بیمثال خدمات ناقابل فراموش اور تاریخ کا سنہری حصہ ہیں۔ آخر کار اسلام دشمن قوتوں نے ایک بین الاقوامی سازش کے تحت 18مئی 2000 ء کو کراچی میں مولانا محمد یوسف لدھیانویؒ کو گھر سے عالمی مجلسِ تحفظ ختم نبوت کے دفتر جاتے ہوئے ڈرائیور عبد الرحمن سمیت فائرنگ کر کے شہید اور آپؒ کے بیٹے صاحبزادہ مولانا محمد یحیٰ یوسف کو شدید زخمی کر دیا۔
خدا رحمت کند ایں عاشقانِ پاک طینت را

مولانہ میجب ارحمان انقلابی


Read More