Beautiful Hadiths

حضرت ابوہریرہ رضی اللہ تعالی عنہہ سے روایت ہے کہ رسول اللہ(صَلَّى اللَّهُ عَلَيْهِ وآلہ وَسَلَّمَ) نے فرمایا کہ ایک شخص راستہ میں جا رہا تھا اس کو بہت شدت سے پیاس لگی تو اس نے ایک کنواں دیکھا اس میں اتر کر پانی پیا جب کنوئیں سے نکلا تو دیکھا ایک کتا ہانپ رہا ہے اور پیاس کے مارے کیچڑ چاٹ رہا ہے، اس نے سوچا اس کا بھی پیاس کی وجہ سے میری طرح حال ہوگا، پھر اس نے کنوئیں میں اتر کر اپنے موزے میں پانی بھرا اور منہ میں اس کو دبا کر اوپر چڑھا اور کتے کو پانی پلایا اللہ جل جلالہ اس سے خوش ہو گیا اور اس کو بخش دیا۔

صحابہ نے عرض کیا یا رسول اللہ (صَلَّى اللَّهُ عَلَيْهِ وآلہ وَسَلَّمَ) ہم کو جانوروں کے پانی پلانے میں بھی ثواب ہے آپ(صَلَّى اللَّهُ عَلَيْهِ وآلہ وَسَلَّمَ) نے فرمایا کیوں نہیں ہر جاندار کے جگر میں ثواب ہے ۔

[ موطا امام مالک، جلد اول، حدیث نمبر 1594 ]

حضرت عقبة بن عامر رضي الله عنه سے روایت ہے هم لوگ صُفة میں تهے کہ آپ صلی الله علیہ وسلم تشریف لائے اور فرمایا کہ تم میں سے کون شخص اس بات پسند کرتا هے کہ روزانہ بَطحَان یا عَقیق میں جائے اور وهاں اس کو دو عمده اونٹنیاں بغیر کسی گناه وقطع رحمی کے یعنی بغیر کسی کا حق مارے ہوئے اس کو مفت مل جائیں ؟؟ هم نے عرض کیا يا رسول الله اس بات کوتو هم میں سے هرشخص پسند کرتا هے ، آپ صلی الله علیہ وسلم نے ارشاد فرمایا کہ صبح کے وقت مسجد میں جاکر دو آیات كتاب الله عز وجل کی پڑهنا یا سیکهنا دو عمده اونٹنیاں ملنے سے بہترهے ، اورتین آیات تین اونٹنیوں سے اورچارآیات چاراونٹنیوں سے بہترهیں ، اس طرح سمجهہ لو کہ جتنی آیات پڑهوگے اتنی هی تعداد میں سُرخ اورعمده اونٹنیاں ملنے سے بہترهے ۰