فلسطینیوں پر اسرائیلی مظالم - استنبول میں پانچ لاکھ افراد کی ریلی

ترک صدر رجب طیب اردگان کی تجویز پر فلسطین میں ہونے والی اسرائیل کی حالیہ کارروائیوں کے نتیجے میں 60 سے زائد افراد کی شہادت پر او آئی سی کا ہنگامی اجلاس طلب کر لیا گیا۔ استنبول میں فلسطین کے حق میں ریلی نکالی گئی جس میں فلسطینی وزیراعظم رامی حمداللہ اور ترک صدر رجب اردگان نے شرکت کی اور خطاب بھی کیا۔ ریلی کے شرکا نے پلے کارڑ اٹھا رکھے تھے جن میں ‘ القدس اسلام کی عزت ہے’ کے الفاظ درج تھے، ریلی میں شریک نوجوانوں نے اسرائیلی پرچم کو نذر آتش کیا اور اسرائیل مخالف نعرے لگائے۔