جدوجہد آزادی فلسطین کا نوعمر مزاحمت کار انقرہ میں، صدر ایردوان سے ملاقات

ترک صدر رجب طیب ایردوان نے 16 سالہ فلسطینی لڑکے فوزی الجنیدی، جو بیت المقدس کی مزاحمت کا جرات مندانہ نشان بن گئے ہیں کو قصر صدارت میں خوش آمدید کہا۔ اس موقع پر ترک وزیراعظم بن علی یلدرم بھی موجود تھے۔ فوزی الجیندی کو اسرائیلی فوجیوں نے گرفتار کر کے آنکھوں پر پٹی باندھ دی تھی اور تشدد کرتے ہوئے لے گئے اور اس وقت بنائی گئی ان کی تصویر نے عالمی توجہ حاصل کی تھی۔ صدر رجب طیب ایردوان نے ان کی اس تصویر کو او آئی سی کے اجلاس میں مسلمان رہنماؤں کے سامنے رکھا تھابعد ازاں، ترک صدر نے اپنی پریس کانفرنس میں ان کی تصویر دکھائے ہوئے امریکی صدر ڈونلڈ ٹرمپ کو متوجہ کیا تھا کہ اسرائیل دہشتگرد ریاست ہے۔