Header Ads

Breaking News
recent

پاکستانی وفد سے بدسلوکی پر سر شرم سے جھک گئے، بھارتی صحافی

بھارت کے ممتاز صحافی اور ہند سماچار کے سابق بیورو چیف این آر گپتا نے کہا ہے کہ بھارتی سرکار نے پاکستانی صحافیوں کے ساتھ جو کیا اس سے بھارتی صحافیوں کے سر شرم سے جھک گئے۔ سماجی رابطے کی ویب سائٹ ٹوئٹر پر ایک پیغام میں این آرگپتا نے کہا کہ امرتسر کے ہوٹل ریڈسن میں پاکستانی وفد کو روکے رکھنے سے ہمیں دلی تکلیف ہوئی ہے۔
گولڈن ٹیمپل میں بھارتی میڈیا کو سرکار کی طرف سے بتایا گیا کہ پاکستانی وفد آ رہا ہے لیکن گھنٹوں انتظار کے بعد بتایا گیا کہ پاکستانی وفد واپس چلا گیا ہے، ایسا کرنے سے بھارتی سرکارکے ہاتھ کچھ نہیں آئے گا۔ انھوں نے کہاکہ ملاقات اور بات چیت سے راستے کھلیں گے، بات چیت کے دروازے بند کرنا مشکلات کو بڑھا دے گا، پاک بھارت تعلقات اچھے ہوںگے توخطے میں امن بھی اچھے سے قائم ہوگا۔

No comments:

Powered by Blogger.