The majestic Margalla Hills after the snowfall

 ملک کے مختلف حصوں میں بارش اور برف باری کے نئے سلسلے نے جمعرات کو آزاد جموں کشمیر اور شمالی علاقوں میں سردی بڑھا دی۔

جمعرات کی صبح خوبصورت وادیوں اور علاقوں میں شروع ہونے والی تیز بارشوں دوپہر تک جاری رہی ، جس سے معمولات زندگی شدید متاثر اور لوگ گھروں تک محصور ہو کر رہ گئے۔

محکمہ موسمیات کے ایک افسر نے اے پی پی کو بتایا کہ تقریباً دس سال بعد مرگلہ ہلز اور پیر سوہاوہ میں دو گھنٹے تک ہلکی برف باری ہوتی رہی۔

میڈیا میں خبر آنے کے بعد لوگوں کی بڑی تعداد نے مرگلہ ہلز اور پیر سوہاوہ کا رخ کیا۔ ادھر ایبٹ آباد میں بھی برف باری ریکارڈ کی گئی۔

افسر کے مطابق، پیر سوہاوہ میں دو انچ تک برف کی تہہ نے زمین کو ڈھانپ لیا۔